Во Гевгелија изложба на копаничарски дела со неготинското „Стари занаети“

Во организација на Фондацијата „Аполонија“ денеска е отворена ретка изложба на копаничарски дела изработени од членови на здружението „Стари занаети“ од Неготино.

Раководителот на фондацијата, Аце Ристовски истакна дека досега организирале уметнички изложби од разни области, но оваа е прва изложба на копаничарски дела што гевгеличани ќе можат да ја посетуваат наредниве петнаесетина дена во просториите на фондацијата.

- Претставуваме повеќе од 40 копаничарски дела изработени на дрво меѓу кои доминираат дела изработени на ореово дрво. Љубителите на копаничарството ќе можат да уживаат во прекрасни дела изработени на дрво,од познати историски личности до тајната вечера,рече Лазе Стојков од здружението „Стари занаети“ од Неготино.