Во Гостиварско празникот Илинден одбележан со повеќе манифестации

Празникот Илинден во Гостивар и околината се одбележува со црковно-народни собири и повеќе манифестации посветени на празникот.

Празнувањето утрово почна во црквата „Пресвета Богородица“ каде во чест на Св.пророк Илија, света литургија богослужеше митрополитот Тетовско-гостиварски г. Јосиф, во сослужение на свештеници од гостиварското архијерејско намесништво. Митрополитот г. Јосиф во беседата го честиташе национален празник Илинден, а беше отслужен и парастос за што ги дале животите за одбрана на верата и татковината.

По повод Денот на републиката, 2-ри Август во Гостивар со пригоден собир и положување цвеќе на споменикот на паднатите борци во градскиот парк општинскиот одбор на Сојузот на борци Гостивар го одбележа празникот.

Одбележувањето на празникот, Денот на Републиката – Илинден, започна синоќа со концерт на ГАКУД „Браќа Ѓиноски“ во летниот амфитеатар. Пред љубителите на фолклорот, членовите на друштвото со гостите од КУД „Младост“ беа изведени повеќе традиционални игри и ора.

Традиционално, со црковно народни собири, Илинден се празнува одбележува во месноста Илиница во близина на Врапчиште и полошкото село Стенче, каде и оваа година се организира манифестацијата „Илинденски денови“.