Во Грција приведени активисти, кои мигрантите ги поттикнувале на насилство

Грчката полиција привела денеска 17 лица, претежно странски државјани, за време на апсењето волонтери, за кои постои сомневање дека шират злонамерни гласини меѓу вознемирените мигранти на границата со Македонија.

Полицијата приведе 16 осомничени лица, кои се ослободени без да се покрене обвинение против нив, додека човек со германска националност е задржан поради поседување оружје. 

Приведените се идентификувани како државјани на Германија, Австрија, Шведска и Португалија, како и двајца Грци со палестинско потекло и еден Сириец.

Грчката Влада тврди дека некои волонтери и добротворни активисти во кампот Идомени стојат зад неодамнешните немири, кога стотици мигранти се обидоа да се пробијат во Македонија.