Во Грција се воведува полициски час во Атина и други жаришта

Грчкиот премиер Кирјакос Мицотакис објави воведување полицискиот час од 00:30 до 05:00 часот наутро во регионите најсилно погодени од новиот коронавирус како и носење маски на отворено.

Во телевизиско обраќање Мицотакис нагласи дека ќе се воведе ноќен полициски час во областите што припаѓаат на нивоата три и четири со ризик како што се Атина, Солун, Јанина, Закинтос и други жаришта.

Новите мерки стапуваат на сила в сабота во 06:00 часот.

Грчките здравствени власти вчера регистрираа 882 нови случаи на заразени со Ковид-19 како и 15 нови смртни случаи.