Во Иран пријавени првите три смртни случаи од Омикрон
Иран ги регистрираше првите три потврдени смртни случаи од сојот омикрон, соопшти денеска Министерството за здравство, пренесе ДПА.
Тројца Иранци досега починале од високо преносливиот сој на коронавирусот и на национално ниво со него има новозаразени над 1.100 лица, сооошти Министерството, пренесе ДПА, повикувајќи се иранската агенција Тасним.
-Бројот на пациенти со омикрон во земјата достигна 1.162, а по еден смртен случај од омикрон се пријавени во градовите Табриз, Јазд и Шахрекорд, додека еден тешко болен пациент е хоспитализиран во Ахваз, изјави портпаролот на министерството, Мохамад Хашеми за државната телевизија ИРИБ.
И покрај акутната економска криза, владата во Техеран, наводно, уште еднаш планира да наметне строги ограничувања на јавниот живот во обид да спречи нов бран од заразата.
Иран е тешко погоден од пандемијата, но инфекциите почнаа да се намалуваат бидејќи од минатото лето вакцините станаа подостапни за населението.
Досега, повеќе од 60 отсто од речиси 84 милиони Иранци се двојно вакцинирани, а се применуваат и засилувачките дози.
Во оваа земја од почетокот на пандемијата регистрирани се над 132.000 смртни случаи од Ковид-19 и повеќе од 6,2 милиони инфекции.
Ново на Сител
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски
-
Грчката амбасадорка Филипиду ja напушти седницата, Силјановска-Давкова во заклетвата користеше Македонија
-
Маж со автомобил прегазил жена во Чаир
-
Украдени документи и компјутери од Управата за матични книги во Прилеп
-
Струмица: „Фиат“ удрил во електричен тротинет, повредено едно лице
-
Приведен бегалец од затвор баран со потерница
-
Почина пациентот на кој за прв пат во светот му беше трансплантиран бубрег од свиња