Во китовите од Средоземно Море пронајдено алармантно количество пластика
Светската организација за заштита на природата (WWF) соопшти дека нејзиното ново истражување, кое вклучува обдукција на китови од Средоземно Море, покажало алармантно количество на микропластика во тие животни.
На Светскиот ден на океаните и по повод првата конференција на ОН за океаните, која се одржа во четвртокот во Њујорк, организацијата нагласи дека открила „нови докази за контаминација на китовите со пластика во Медитеранот“.
Светската организација за заштита на природата со новото истражување покажала влијание на загадување од пластика во северозападниот дел на Средоземно Море.
- Експерти на WWF ги анализирале биопсиите на речиси 100 морски цицачи (три видови на китови) кои живеат во засолништето за морски цицачи Пелагос, најголемо заштитено подрачје на Медитеранот, меѓу континенталниот дел на Италија, Франција и островот Сардинија, наведува организацијата.
Светската организација за заштита на природата објаснува дека „истражувањето покажало висока контаминација на китовите со фталати“.
- Фталатите се една од компонентите на пластиката, а обично се наоѓаат во амбалажата, завесите за туширање, каблите, лаковите, лековите, боите итн. Се наоѓаат и во козметиката, на пример лаковите за нокти или коса, како и во парфемите. Просечната концентрација на ДЕХП (најтоксичниот фталат), пронајдена во сувото ткиво на китовите, изнесува 1.060 микрограми во килограм, а се смета дека е висока кога е над 300 микрограми, се додава во соопштението на WWF.
Фталатите се отровни за луѓето и животните, со можни штетни последици врз плодноста и развојот на фетусот.
- Се претпоставува дека тие предизвикуваат ендокрини нарушувања, а некои од нив се класифицирани како канцерогени. Во светот денес се произведуваат три милиони тони фталати годишно, објаснува организацијата.
Ново на Сител
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички