Во Кочани обезбедени 100 локации за проектот„Купи куќа за млади“

Во Општина Кочани во рамки на владиниот проект „Купи куќа за млади“ се обезбедени 100 локации за индивидуална градба во локалитетот Драчевок.

Овие 100 парцели, информираше денеска градоначалникот Ратко Димитровски, се урбанизирани целосно, со различна големина и се со решена инфраструктура. Доколку интересот биде зголемен, најави, ќе се направи урбанизација и на дополнителниот простор на оваа локалција.

- Интересот е над очекувањата. За две недеаи канцеларијата ја посетиле над 200 лица кои се интересирале за овој проект, од кои најголемиот дел се млади брачни парови, но и млади кои планираат да стапат во брак и да го решат своето станбено прашање, изјави градоначалникот на Кочани Ратко Димитровски.