Во Кочани почнува 52. Драмски аматерски фестивал

Во Кочани вечер во Центарот за култура „Бели мугри“ ќе биде отворено 52-то издание на Драмскиот аматерски фестивал на Македонија.

Како што информираат организаторите, на манифестација ќе настапат драмски аматери од Републиката и од странство. Фестивалот го отвораат гостите од Словенија, членовите на КД „Стична“ - „Дрзне ин лепи“ од Иванчна Горица, кои во 20 часот ќе ја одиграат претставата „Хамлет“ од Шекспир. Режијата е на Трајче Ѓоргиев. 

Во 22:15 часот ќе настапи Аматерскиот театар на кочанскиот ЦК „Бели мугри“. Младите актери Тодор и Марија Ѓоргиеви и Александар Арсов ќе се претстават со „Просидба“ од Антон Павлович Чехов. Режијата потворно е на Трајче Ѓоргиев. Со ова завршува првиот фестивалски ден.

После секоја претстава предвидени се разговори со актерите и режисерот, што ќе ги води Димче Николовски, м-р по режија. Разговорите се од отворен карактер и на нив вообичаено присуствуваат и членовите на жирито.

Сите информации во врска со 52-то издание на ДАФ на Македонија, во врска со претставите, актерите, фотографии...ќе можат да се најдат на официјалната веб-страница на фестивалот: dafkocani.com.