Во Кочани премиера на театарската претстава „Просидба“

На сцената на Националната установа Центар за култура „Бели мугри“ во Кочани синоќа премиерно беше изведена театарската претстава „Просидба“ по текст на Чехов, во адаптација и режија на Трајче Георгиев.

 

Улогите на Ломов, Наталија и Чубуков ги толкуваат Александар Арсов, Марија Ѓоргиева и Тодор Ѓоргиев.

 

- Нашата „Просидба“ е весела, игрива и лесна адаптација на оваа едночинка на Чехов, мала школа во која младите актери се надополнуваат едни со други, играат, се забавуваат и на моменти знаат да бидат и многу сериозни, изјави по претставата Кристина Атанасова Арсова, директрор на Центарот за култура од Кочани.

 

Со оваа претстава Центарот за култура „Бели мугри“ ќе учествува  на годинешниот 52. Драмски аматерски фетсивал на Македонија што ќе се одржи од 23 до 28 мај во Кочани.