Во Куманово почнува Малинскиот фото фестивал
Во Фото клубот „Куманово“ вечерва ќе биде отворен Четвртиот фестивал „Малински Фото Фестивал“.
За време на тридневниот фестивал ќе бидат изложени околу 500 фотографии, а ќе се одржат и промоции, поставки и предавања.
- Идејата на двајца вљубеници во фотографската уметност од Куманово од пред четири години, преточена во пилот проект, прерасна во респектабилен и репрезентативен настан кој го носи името Малински фото фестивал, во чест на првата фамилија фотографи од Куманово, изјави Жаклина Стефановска од Фото клубот „Куманово“.
Поставките на фотографии, предавањата и фото проекциите ќе се одржуваат во Центарот за култура „Трајко Прокопиев”, Галеријата на град Куманово, Народниот театар на Куманово, Домот на култура „Лазар Софијанов“ во Кратово, Музејот на град Кратово и просториите на ФК Куманово.
- Програмата на овогодинешниот фестивал ќе биде проследена со две предавања од страна на Драгослав Мирковиќ и Зоран Ѓорѓевиќ, меѓуклупска изложба „Круг”, клупска изложба на ФК Куманово „Тумба” како и на ФКК Битола и МОФ од Турција, самостојна изложба на Бојан Петровиќ – Бокац, Драгослав Мирковиќ и Душко Јовановски. Исто така на фестивалот со свои фото проекции ќе се претстават и Владимир Јовановски, Марина Крстиќ, Боб Дивајн, Горан Којадиновиќ, Бурак Сенбак, Томас Окониевски, проекција на фотографии на клупска изложба на ИРАН П.А.Ф и други, изјави Дарио Королија од Фото клубот „Куманово“.
Изложбите се од ревијален карактер, освен „Круг” која има натпреварувачки карактер. Оваа година се натпреваруваат членовите на фото клуб Куманово и фото клуб Бујукчекмеџе од Турција.
Ново на Сител
-
До Нова година мониторинг, а потоа строги казни за оние што не го почитуваат Законот за нефер трговски практики
-
Просечната нето-плата во август 41 097 денари
-
Приведен бегалец од затвор, осуден на казна затвор од осум години
-
Столе Попов добитник на наградата „Живојин Жика Павловиќ“ за промоција на балканската кинематографија во светот
-
Посетителка во Зоолошката градина побарала да се тестира за птичји грип
-
Неделков: Вработените во Зоолошката постапиле согласно протоколите, на сметка на тоа се јавно линчувани
-
Таравари: Работиме на децентрализација на Онкологија, да функционира како Институтот за трансфузиологија
-
„Левица“ поднесе кривична пријава против Африм Гаши за законот за бранители