Во Летонија задолжителна вакцинација против Ковид-19 за вработени во образованието и во здравствените установи
Летонската влада одлучи да ја направи вакцинацијата против Ковид-19 задолжителна за вработените во образованието и здравствените установи, јави ДПА.
Од октомври, вработените во медицински, јавни и образовни институции ќе треба да покажат потврда за вакцинација против Ковид-19.
Во другите сектори, работодавците ќе имаат право да отпуштаат невакцинирани работници од 1 октомври, според новите правила донесени од владата вчера во Рига. Мерките мора да бидат одобрени од парламентот за да стапат на сила.
Кампањата за вакцинација во Летонија, со население од 1,9 милиони жители, напредува многу бавно. Досега, околу една третина од жителите примиле барем една доза од вакцината. Од почетокот на пандемијата, повеќе од 138.000 случаи на коронавирус се регистрирани во Летонија, а повеќе од 2.500 заразени лица починале.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден