Во Македонија позитивни на корона вирусот вкупно 214 здравствени работници, од кои излечени се 25

Продолжува да расте бројот на здравствени работници во Македонија кои се позитивни на коронавирусот.

Според податоците на Институтот за јавно здравје (ИЈЗ), кои еМагазин секојдневно ги пренесува, регистрирани се 214 случаи на заболување меѓу здравствени работници, заклучно 21 април или 17% од вкупниот број.

До 20 април, бројот изнесуваше 210, до 16 април, 194, до 14 април, 143, до 13 април, 126, до 12. април, 121...

Истовремено расте и бројот на излекувани здравствени работници, кој заклучно со 21. април, според податоците на ИЈЗ, изнесува 25.

Познато е дека позитивни на коронавирусот се/беа здравствени работници од болници во Велес, Кочани, Штип, Куманово, Дебар, Кавадарци, Битола, Прилеп, Охрид, Демир Хисар, Гостивар, Тетово и Скопје.