Во операцијата на Интерпол запленети се над 615 тони дрога и хемикалии во 31 земја

Повеќе од 615 тони дрога и хемикалии во вредност од 1,6 милијарди долари се запленети во 31 земја во рамките на операцијата координирана од Интерпол.

Операцијата беше спроведена во април и мај годинава и резултираше со апсење на 206 лица поврзани со шверц на дрога и мрежи за шверц во Јужна Америка, Африка и Европа.

Во рамките на операцијата запленети се 505 тони хемикалии кои се користат за производство на дрога и експлозиви, што укажува на значително зголемување на транснационалните организирани криминални групи и нивната способност за производство на оружје, соопшти Интерпол.