Во овие македонски градови најмногу се почувствува попладневниот земјотрес

Телеметриската сеизмолошка мрежа на Република Македонија, со станици во Скопје, Штип, Валандово, Битола, Охрид и Крушево, одржувана од Сеизмолошката опсерваторија при Природно-математичкиот факултет во Скопје, на 08.04.2017 год., регистрира земјотрес чиj епицентар се наоѓа во соседна Албанија во граничното епицентрално подрачје Дебар - Пешкопија. 

 

Овој земјотрес се случи во 15 часот и 53 минути со Рихтерова локална магнитуда 4.8. Според досегашните податоци, земјотресот беше почувствуван во Дебар со интензитет од V степени, Тетово и Гостивар со интензитет од IV степени,

Скопје и околината со интензитет од III степени според Европската макросеизмичка скала.