Во руски напад погодена воена локација во регионот Хмелницки
Воена локација во западна Украина е погодена во нов бран руски напади во текот на ноќта, соопштија денеска украинските власти
„Руските трупи погодија неколку локации, вклучително и воена во регионот Хмелницки“, објавија украинските власти преку Телеграм.
Украинската администрација соопшти дека бил предизвикан пожар во складишта за гориво и воена опрема и посочи дека е оштетена пистата за слетување на воениот аеродром.
„Продолжуваат напорите за гаснење на пожарот“, се наведува во соопштението и се додава дека „пет авиони се надвор од употреба“, без да се дадат дополнителни детали.
„Почнати се работите за поправка на пистата“, соопшти украинската администрација.
Не е соопштено дали има жртви во нападот.
Украина ноќеска повторно беше цел на голем руски воздушен напад, соопшти претходно украинската армија.
Началникот на украинската армија Валериј Залужни преку Телеграм објави дека „окупаторите“ нападнале воени цели и важни инфраструктурни цели во Украина и лансирале до 40 крстаречки ракети од авиони над Каспиското Море и „околу 35 дронови“.
Според воената управа на градот, само во Киев се уништени повеќе од 40 воздушни цели.
Тоа беше 15-ти напад врз Киев од почетокот на мај, кога Русија почна да ги засилува нападите врз Украина и особено врз главниот град.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот