Во САД закажани три смртни казни во еден ден

 Во три сојузни американски држави Алабама, Тексас и Флорида во ист ден се закажани извршувања на три смртни казни, а егзекуција е спроведена само на Флорида.

Ако беа извршени сите три егзекуции, тоа ќе беше првпат после повеќе од осум години да се повтори таков случај во САД.

Ерик Бренч (47), осуден на смртна казна поради убиство и силување на студентка во 1993 година, на Флорида прими смртоносна инекција, а пред да почине извикувал „убијци“.

Осуденикот од Тексас Томас Витакер синоќа е помилуван врз основа на препорака од Државниот одбор кој има овластување за тоа, а во Алабама егзекуцијата на Дојл Ли Хем е одложена откако медицинскиот персонал утврдил дека има тешкотии со вбризгувањето на смртоносната течност во вена. 

Последен пат во ист ден три егзекуции се извршени во јануари 2010 година во Лујзијана, Охајо и Тексас.

Во 1999 година во ист ден се егзекутирани четворица осуденици во Оклахома, Индијана, Тексас и Вирџинија.

Во 2017 година во САД се егзекутирани вкупно 23 осуденици