Во штипско-карбинскиот против пертусис имунизирани над 90 отсто од децата
Центарот за имунизација при Здравствениот дом „Панче Караѓозов“ Штип работи и втора смена, со што дечињата може да се вакцинираат во периодот од 7 до 19 часот, информираше денеска педијатар Дијана Коцева-Миланова одговорна на вакционалниот пункт во Штип. Таа истакна дека со ова се овозможува на родителите да ги вакцинираат своите деца во текот на целиот ден, а е дел и од препораките на Министерството за здравство, како и зголемениот одзив кај родителите за вакцинација на своите деца.
-Ние како институција ги следиме препораките од Минстерството за здравство и организиравме работа во две смени. Ова на локално ниво за Општина Штип не е толку значајно за растеретување на гужвата за имунизација туку повеќе има за цел достапност на родителите, кои заради едносменското работење не беа во можност да ги донесат дечињата на вакцинација, вели Коцева-Миланова.
Пред прогласувањето на епидемија на град Скопје, опфатот на ревакцинација на 18 месеци во Штип беше 84%, а по прогласувањето на епидемијата родители сами барале вакцинирање на нивните деца, со вакцина која претходно намерно или несвесно била изоставена. Сега овој процент изнесува над 90.
-Што се однесува до процентот на локално ниво можеме да се пофалиме дека за примо имунизација и за втората ревакцина која се прима на седум години е над 90%. Ние послаб одзив имаме за ревакцината на 18 месеци. Причината за послабиот процент на имунизираност за ревакцина на 18 месеци е делумно што родителите сакајќи да ја одолжат вакцината против морбили забораваат или свесно ја одолжуваат и оваа вакцина. По прогласената епидемијана територија на Скопје мора да кажам дека се зголеми нивото на свесност и одоговорност кај родителите за оваа вакцина, вели Коцева-Миланова.
Таа истакна дека потврда за целосна имунизација бараат и во детските градинки, ова се однесува на вакцината против морбили како и ревакцината против голема кашлица.
Ново на Сител
-
Во полиција задржани тројца кавадарчани, едниот бил агресивен и се заканувал кон полицајци, двајца спречувале преземање на службени дејства
-
Тешко повреден малолетен пешак во Куманово по удар на автомобил
-
Експлозија во магацин за пиротехника во Бугарија
-
Продолжи собраниската комисиска расправа за ребалансот на Буџетот
-
Второто злато на ОИ 2024 за Кина
-
На „Богородица“ и „Табановце“ зголемен интензитет на сообраќај
-
СВР Скопје расчисти кривични дела „убиство“ и „убиство во обид“, кои се случија месецов, поднесени пријави против три лица
-
Унгарија го зема најголемиот кредит досега од Кина – Позајмица од милијарда евра