Во Скопје само 14 сообраќајки, 6 повредени

Сообраќајната полиција во текот на вчерашниот ден во Скопско извршила увид на вкупно 14 сообраќајни незгоди, во кои со полесни повреди се здобиле шест лица.

Самостојниот инспектор од СВР-Скопје Драган Вељаноски информира дека се откриени и санкционирани поголем број прекршоци. Санкционирани се 57 возачи кои со возилата се движеле со брзина поголема од дозволената, тројца возачи ги управувале своите возила под дејство на алкохол и се исклучени од сообраќај, тројца возачи поминале на црвено светло на семафорите, 12 ги управувале своите возила без возачка дозвола односно нерегистрирани. Десет возачи за време на управување на моторните возила, не го користеле сигурносниот појас или го користеле мобилниот телефон, а регистрирани се и 32 непрописно паркирани возила.

Со помош на специјалното возило „пајак“ во текот на изминатиот ден отстранети се 70 возила.

Во рамки на проектот „Сообраќајна култура на децата во предучилишните установи“ денеска ќе реализираме едукативни работилници во Детската Градинка „Буба Мара“ објект „Сонце“ истиот се наоѓаат на подрачјето на општина Аеродром.