Во Словенија конференција за борба против тероризмот
Претставници на влади на држави од Југоисточна Европа, регионални организации и иницијативи ќе учествуваат на конференција за регионална соработка во борба против тероризмот и насилниот екстремизам, што денеска ќе се одржи во Брдо кај Крањ.
Учесниците на втората Регионална конференција ќе разговараат за актуелните предизвици во областа на тероризмот, за активностите на европско, регионално и национално ниво и за начините за спроведување на веќе постигнатите договори.
Конференцијата во Брдо кај Крањ ја организира Советот за регионална соработка, а домаќин е словенечкото Министерство за надворешни работи.
Во соопштение е наведено дека учесниците ќе разговараат и за соработка и координација на активностите во Југоисточна Европа, како и за активностите и резултатите постигнати по конференцијата одржана во ноември 2016 година во Тирана.
Учесниците ќе бидат запознати и со студијата од Советот за регионална соработка „Игра на трпение: Проценка и одговор на закани од странски борци кои се враќаат на Западен Балкан“.
Ново на Сител
-
Дурмиши: Без ограничени маржи, храната ќе се продаваше поскапо
-
Македонија е на петто место во Европа по иселувањето на високообразовен кадар
-
ДСЗИ заврши, на ред е стручната комисија – Дали има лекарски пропуст во третманот на 14 месечното бебе кое почина на Детска?
-
Забрана за пиење на водата во Василево
-
Врховен суд бара државата да спречи загадување на воздухот, граѓаните добија шанса да ја тужат
-
Центар за иновации во медиумите на Правниот факултет: Студентите по новинарство добија современо студио
-
За пациентките од крајниот исток нема можност за преглед на мамограф во ЈЗУ
-
Во Брисел нема расположение за уставни измени со одолжено дејство, но предлогот не е ниту одбиен