Во Словенија падна снег до 80 сантиметри

Во Словенија паѓа обилен снег, а во северозападниот дел на земјата е формирана снежна покривка која достигна и до 80 сантиметри.

Поради снежните врнежи прекинато е снабдувањето со електрична енергија во некои делови на Корушка и Штаерска, а имаше и проблеми во сообраќајот.

До утрово во Горење наврнаа од 15 до 40 сантиметри снег, а во Бохињ околу 30 сантиметри. Во Крањ снежната покривка изнесува 24 сантиметри, во Љубљана 20, во Марибор 13, во Птуј и Цеље по 12 сантиметри.