Во Тетово одбележан Денот на независноста 8-ми Септември
По повод Денот на независноста 8-ми Септември денеска пред Споменикот на револуцијата во центарот на Тетово цвеќе положија Претставници на политичките партии ВМРО-ДПМНЕ и СДСМ од Тетово.
Секретарот на општинската организацција на СДСМ од Тетово Дарко Таневски ја упати својата честитка по повод празникот до сите граѓани на Тетово и Македонија со напомена дека само претставниците на овие две партии од условно македонскиот блок се собрале денеска за одбележување на празникот во Тетово.
- Ниту од општината ниту од други институции што треба да учествуваат на ова одбележување нема претставници за достоинствено да се одбележи овој празник. Ова е државен празник и треба сите заеднички да го чествуваме бидејќи тоа е заеднички празник на нашата татковина, рече Таневски.
Претседателот на општинскиот комитет на ВМРО ДПМНЕ од Тетово и пратеник во македонското Собрание Горан Манојлоски, рече дека се собрале да го одбележат празникот и 26 години од независноста на Македонија.
- За првпат во нашата понова историја овој празник не се прославува организирано и нема ниту еден претставник од општина Тетово. Доколку бараат свои права и проширување на нивните права секако дека треба да ги почитуваат и нашите чувства и нашите празници што се впрочем државни празници и празници на сите граѓани на Република Македонија изјави, Манојлоски.
Посочи дека на сите одбележувања на државни празници и други датуми од минатото, градоначалничката на општина Тетово Теута Арифи иако постојано била поканувана таа не доаѓала.
Ново на Сител
-
Екстремната десница извоjува историска победа во првиот круг од парламентарните избори во Франција
-
Многу топло со температура до 39 степени, од утре дожд
-
По 30 минути се чека на „Табановце“ и „Богородица“
-
Аврамовска Мадиќ: Излезноста на внатрепартиските избори за претседател на СДСМ 54 отсто
-
Деспотовски најави приговори за изборите за претседател на СДСМ
-
За ниедни пари не би пеела за партија | Лара Иванова | ПРОфесија | Sitel Podcast 049
-
Французите масовно гласаат во првиот круг од парламентарните избори
-
Гувернерот на Истанбул ја забрани Парадата на гордоста, го затвори центарот на градот