Во Украина прогласен ден на жалост
Во Украина, по вчерашните разорни напади на руските сили при што загинаа 41 човек, а 166 се повредени, денеска е прогласен ден на жалост.
Русија вчера изврши еден од најголемите ракетни напади во изминатите неколку месеци, при што беше погодена и главната детска болница во Киев.
Две лица загинаа кога руски проектил срамни со земја дел од детската болница Охматдит, а потрагата по преживеани под урнатините продолжи денеска во раните утрински часови.
Русија негираше дека цел на нападот била детската болница и тврди дека таа била погодена од делови од украинска ракета за воздушна одбрана, додека Украина соопшти дека пронашла остатоци од руска крстосувачка ракета.
Претседателот на Украина, Володимир Зеленски нападот го оцени како „брутален“, а за рускиот претседател Владимир Путин го нарече „крвожеден криминалец“.
Според Зеленски Русија вчера истрелала повеќе од 40 проектили, оштетувајќи речиси 100 згради во Киев, Дњепар, Криви Рих, Славјанск и Краматорск.
Ново на Сител
-
Уапсени четворица криумчари во Грција – наплатиле по околу 8.500 евра по мигрант за да ги пренесат од Турција до Италија
-
Реакција од Стручниот колегиум при ЈЗУ УК за респираторни заболувања кај децата-Козле
-
Неврохирургот Рендевски, претседавач на Европскиот конгрес по неврохирургија
-
ОН: Израелската армија го „отсече“ северниот дел на Газа од остатокот од Газа
-
Четири општини најавија поддршка од сите аспекти за Здружението на граѓани Албанска академија на науките и уметност
-
Кривична за 49-годишник поради сомнение за кражба на електрична енергија
-
Маж и жена од Скопје меѓусебно се пријавиле за насилство
-
Тетовчанец измамен за 750 евра