Војната во Етиопија почна да се прелева кон соседите, кон Судан бегаат најмалку 20.000 лица
Смртоносниот вооружен конфликт меѓу централната влада на Етиопија и нејзиниот непослушен северен регион Тиграј од вчера почна да се прелева надвор од границите на земјата, откако неколку илјади лица избегаа во Судан, заедно со мал број војници кои побараа заштита, додека регионалниот лидер на Тиграј ја обвини Еритреја за напад врз нив на барање на сојузната влада на Етиопија.
Иако Велика Британија и Африканската унија веднаш побараа деескалација, Абиј вети дека армијата брзо ќе ги запре борбите. Но, експертите предупредуваат дека конфликтот може да се развлече и да ја дестабилизира земјата, која е една од најмоќните во Африка.
Приливот на бегалци е првиот видлив знак на растечката хуманитарна криза што погодува милиони луѓе во срцето на „Африканскиот рог“. Тиграј беше целосно отсечен од светот по речиси еднонеделниот прекин на сите комуникации и најавата на Абиј за воена офанзива, како владин одговор на наводниот напад врз воена база.
Обединетите нации и нивните партнери во Судан, барем засега, се подготвуваат за 20.000 бегалци.
Досега е објавено дека се убиени стотици лица на двете страни од конфликтот, изјави еден дипломат во главниот град Адис Абеба. Засега е тешко е да се потврдат тврдењата на која било од двете страни, кога и двете си разменуваат обвиненувања за поттикнување конфликт.
Британскиот министер за надворешни работи Доминик Раб се приклучи на притисокот врз премиерот Абиј, затоа што во разговорот со него го повикал на деескалација.
Претседателот на Комисијата за африканска унија, Муса Факи Махамат, повика на итен прекин на огнот и понуди поддршка за „меѓуетиопските напори за барање мир“.
Најмалку 3.500 бегалци, вклучувајќи жени и деца, пристигнаа во суданската провинција Касала, за американските меидуми изјави шефот на локалната агенција за бегалци, Ал-Сир Калид.
-Другите се уште се на пат, додаде тој.
Најмалку 30 вооружени етиопски војници им се придружија на бегалците кои бегаат во Судан, јави државната агенција СУНА. Судански воен претставник изјави дека тие се предале и побарале заштита бидејќи борбите се водат преку границата.
Судан, кој испрати над 6.000 војници на границата, е под притисок на меѓународната заедница да помогне во воспоставувањето мир.
Еритреја, која долго време се судира со регионалната влада на Тиграј – „Народниот ослободителен фронт на Тиграј“ (ТПЛФ), стана поголем предизвик во тој конфликт.
Лидерот на Тиграј, Дебрецион Гебремихаел, тврди дека Еритреја „почнала воена акција“ и пукала со тешко оружје кон Хумера, во Тиграј, во близина на границата со Еритреја и Судан.
-Затоа, војната сега влезе во својата втора фаза, рече тој, а еритрејските власти не одговорија на ова.
ТПЛФ некогаш доминираше во централната коалициска влада на Етиопија. Чувствувајќи се маргинализирана од политичките реформи на Абиј, од неговото стапување на должноста во 2018 година, ТПЛФ минатата година се отцепи од остатокот на земјата, а потоа ја налути сојузната влада со одржување на локални избори во септември, иако националните избори беа одложени за следната година.
Дипломатите и другите тврдат дека конфликтот во Тиграј може да ги дестабилизира и другите делови на Етиопија, држава со 110 милиони луѓе, што ја прави втора по население во Африка. Етиопија има многу етнички групи, а нејзините други региони бараат поголема автономија. Некои експерти предупредуваат на натамошно распаѓање на земјата, веќе погодена од смртоносно меѓуетничко насилство.
Ново на Сител
-
Граѓански протест ,,Кој е следен‘‘ за смртта на Фросина Кулакова во Скопје
-
Тема на денот со Дарко Аврамовски - Коалиција ,,Сите за правично судење"
-
Четиригодишно дете починало во Струшката болница
-
МВР спроведува акција за откривање печатница за фалсификување пари
-
Како возачот што ја прегази Фросина добил телефон во затворот
-
Детектор: Две третини граѓани не веруваат во фер судење во Македонија
-
АХВ уништи 110 килограми болничка храна
-
Власта и опозицијата со обвинувања - Кој е виновен за високите цени