Војската во Турција ја превзема власта над државата!

 

Турската влада призна дека земјата е во криза!

 

Турската војска тврди дека го отстранила Реџеп Таип Ердоган од власта и ја превземала контролата над државата. Во официјалната изјава, претставници на војската рекле дека владеењето на законот мора да остане приоритет.

 

Како што пренесуваат медиумите, државната турска телевизија ТВ ТРТ не емитува програма.

 

Пристигнуваат извештаи за судири на полицијата и војската, а судејќи по се, се стега обрачот околу Ердоган.

 

- Тенковите се на улиците. Силите на полицијата кои ја чувале палатата на претседателот се разоружани, известува британскиот новинар Доријан Џонс за Скај Њуз.

 

Турската државна новинска агенција пренесува дека бунтовниците го држат главниот генерал на војската како заложник во врховниот воен штаб.