Воведен полициски час на цела територија на Тунис

Властите во Тунис воведоа полициси час во текот на ноќта на цела територија по неколкудневните протести во повеќе градови во земјата.

- Поради агресија врз државната и приватната сопственост и заканата врз безбедноста на земјата и граѓаните, донесена е одлука од денес да се воведе полициски час од 20 часот до пет часот наутро на цела територија на Тунис, се наведува во соопштението на Министерството за внатрешни работи.

Уапсени се 16 лица поради кражби во сиромашно предградие на Тунис.

Пред два дена еден полицаец загина во судири меѓу демонстранти и безбедносните сили.