Вработените во одбраната најавуваат штрајк поради неисполнување на барањата

Синдикатот на одбраната и безбедноста и Независниот синдикат на професионални војници најавуваат штрајк поради неисполнување на нивните барања за зголемување на платата и надоместоците на плата.

Претседателот на Синдикатот на одбраната и безбедноста Ристо Ајтов денеска на прес-конференција рече дека бараат зголемување на платата за 20 проценти и во иднина таа да се корегира согласно нивото на зголемување на платите во Министерството за внатрешни работи.

Вработените во одбраната бараат и зголемување на надоместоците на плата за ангажирање до висина од 1.200 денари.

Според нив, не е среден ниту организираниот превоз за доаѓање на работа во касарните, ниту им се исплатени досегашните трошоци на вработените во Министерството за одбрана и АРМ.

- Нерешавањето на овие проблеми го доведоа во прашање функционирањето на Министерството за одбрана и АРМ, а со тоа се доведува и во прашање навременото извршување на нашата мисија, односно обезбедување на безбедна и стабилна Република Македонија, рече Ајтов. Одговорноста за состојбите во одбараната, спроед Ајтов, е кај министерот за одбрана.