Втор ден студентски протест во Тетово
На градскиот плоштад, улиците и пред двата универзитета во Тетово – Државниот тетовски универзитет и Универзитетот на Југоисточна Европа, втор ден протестираат студенти.
Во значително помал број од вчера тие ги повторија барањата за намалување на студентските такси, стоп за корупцијата, фер однос од професорите без купување книги за потпис и подобра оценка, подобрување на условите за студирање и слично.
Најавија дека доколку за седум дена надлежните не им ги исполнат, како што рекоа, конкретните барања и јавно да се произнесат за тоа, тие ќе ги радикализираат протестите. Се осврнаа и на вчерашните соопштенија од Министерството за образование и од двата универзитета.
- Нашиот акумулиран револт што избувна вчера од нас направи веднаш да се произнесат МОН, УТ и УЈИЕ. Но тоа не беше она што ние го баравме од вас. Ние сме доставиле конкретни барања што треба да се реализраат, а не да се коментираат од ваша страна. Ја спомнавте и мисијата што ја имаат универзитетите и тоа да бидат во служба на студентите, а не на политиката и политичките кланови, на страна на прекршителите на нашита права, корупција и непотизам. Универзитетите се место каде треба да се образуваме со знаење, а не приватни фирми за збогатување на семејства, кланови и поединци, порачаа студентите што втор ден протестираа во Тетово.
Најавија дека во следните седум дена, односно до крајниот рок од нивниот ултиматум, ќе протестираат мирно како и досега – со собирање на плоштадот и со марш по булеварот „Илинденска“ до двата универзитета.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ