Вучиќ му го честита изборот на Борис Џонсон
Српскиот претседател Александар Вучиќ упати честитка до Борис Џонсон, кого Конзервативната партија денеска го избра за нов британски премиер, во која, меѓу другото, изразува надеж дека токму тој ќе биде првиот британски премиер кој по речиси 40 години ќе ја посети Србија.
– Вашиот избор сведочи за голема доверба, која е укажана колку со Вашето искуство, толку и со идеите да одговорите на предизвиците со кои се соочува Велика Британија. Верувам дека ќе и донесете нова енергија на Вашата земја и ќе ја поведете кон сигурен пат на напредок. Во мене ќе имате сигурен партнер во развој на политичкиот дијалог и јакнење на економската соработка меѓу нашите земји. Почитувајќи го придонесот на Велика Британија за Берлинскиот процес и соработката на Западен Балкан, сакам уште еднаш да истакнам дека Србија, водејќи политика на мир, ќе продолжи да се бори за стабилноста на Западен Балкан, како основа за економски и секој друг напредок на Србија и регионот, се наведува во честитката на Вучиќ.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228