Вучиќ: Наскоро референдум или избори

Српскиот претседател Александар Вучиќ доцна синоќа изјави дека државата Србија ќе ги издржи сите надворешни удари, а нејзините граѓани наскоро повторно ќе излезат на гласачките кутии, пренесе Бета.

-Наскоро референдум (за импичмент на претседателот) или избори. . . Каде власта се менува со пенкало, рече Вучиќ гостувајќи на ТВ Хепи.

Тој за време на неколкучасовно ТВ интервју побара од студентите во блокадите да се вратат на факултетите, да почнат да студираат и да се насочат кон иднината, а особено им се заблагодари на дел од студентите „кои не подлегнале на влијанието на политичките партии.

Тој им се заблагодари и на сите луѓе кои страдаат од блокадите во сообраќајот, со очекување, како што рече, еден ден да престанат.