„The Weeknd“ остана без номинација за Греми наградите, ги обвини дека се корумпирани
Популарниот „r&b“ музичар Бел Тесфаје (30) познат по уметничкото име „The Weeknd“, оваа година не се најде меѓу номинираните за Греми наградите што очигледно го налути.
Тој со бес се пожали на социјалната мрежа Твитер и ги повика организаторите на овој проект, што предизвика големо внимание во јавноста.
„Греми и понатака се корумпирани. Ми должите на мене, на моите обожаватели и на транспарентноста во индустријата“, напиша музичарот.
Музичарот е револтиран бидејќи останал без номинација и покрај неговиот нов албум „After Hours“, кој ја содржи и песната „Blinding Lights“, со која се искачи на врвот на музичките топ листи ширум светот.
Додека едни се согласија со него, други го критикуваа поради потегот сметајќи дека е претеран.
Инаку, цремонијата за доделување на Греми наградите е предвидена за 31 јануари, но поради епидемијата на коронавирусот засега не се знае дали ќе биде онлајн или номинираните физички ќе бидат присутни.
Да се потсетиме „The Weeknd“ пред неколку дена, на 23-ти ноември, се појави на доделувањето на „American Music Awards” со завои на лицето, со што испрати силна порака до сите. Mузичарот доби „AMA“ награда за омилен соул-рнб албум на годината.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници