WiFi мрежата ви е бавна? Откријте кој се ја користи!

Поголем дел од WiFi рутерите имаат вклучена заштита во почетните поставки. Ако ја погледнете листата со мрежи достапни во ваша близина, веројатно повеќето се заклучени. Сепак, некои рутери емитуваат отворена, незаштитена WiFi мрежа со која може да се поврзе кој било и да ја користи без да внесува лозинка.

Како да ги откриете провалникот во вашата WiFi мрежа?

Најдобар, ако не и наједноставен начин е логирање во вашиот рутер и користење на неговиот интерфејс за да проверите кои уреди се поврзани. Тоа можете да го направите и со вашиот мобилен телефон, но се препорачува за таа цел да го користите компјутерот или лаптопот затоа што имаат поголем екран и затоа што мнозинството рутери не се оптимизирани за пристап со мобилен телефон. Во полето за пребарување во програмата преку која пристапувате до интернет-страниците (без разлика дали тоа е Chrome или Mozilla Firefox) внесете 192.168.1.1 и притиснете Enter. Тоа ќе функционира за повеќето рутери, иако е можно некои модели да користат друга IP-адреса. Ќе ја пронајдете на самиот рутер или во упатствата за употреба. Рутерите меѓусебно се разликуваат, но сите би требало да имаат можност за прегледување на поврзаните уреди. Вас ве интересираат оние што се поврзани на WiFi мрежата, па одберете ја таа опција или обидете се да ја филтрирате листата така што ќе го добиете она што ви треба.

Кога ќе ја отворите листата, веројатно за секој уред ќе пронајдете три податоци: IP-адресата, MAC адресата и името.

Имајте на ум дека одредени уреди можат да ја прикажат и листата на сите поврзувања во историјата, а не само моментните. Тоа значи дека не треба веднаш да паничите ако забележите дека на мрежата се приклучени уреди на луѓе кои не се присутни во тој момент. Но, секако, треба да откриете дали можете да го препознаете секој уред што се поврзал. Тоа може да бара малку повеќе напор, па од корист би ви биле алатки како можности за филтрирање по MAC адреси. Ако откриете некој што не би требало да го користи вашиот интернет, веројатно вашите безбедносни поставки не се наместени на соодветен начин, па соседите или минувачите можат да се поврзат со вашата мрежа. Затоа повторно логирајте се на вашиот рутер и приспособете ја лозинката. За дополнително ниво на безбедност, можете да активирате и филтер кој на мрежата ќе пушта само уреди со одредени MAC адреси. Ќе прашате што е тоа MAC адреса. Тоа се низа бројки и букви и таа низа е единствена за вашиот уред. Можете да ја најдете на лепенката на уредот или во менито со поставките. Ако поставите таков филтер, вашиот WiFi ќе можат да го користат само оние уреди што ќе бидат препознаени од рутерот. 

usb.mk