Загинаа тригодишно дете, мајка и мотоциклист во Србија

Во сообраќајна несреќа во селото Церовац кај Шабац, загина мајката М.С. и нејзиниот син В.С. (3), како и возачот на мотоцикл Н.З. До несреќата дошло кога мотоциклистот удрил во задниот дел од автомобил марка „фиат“ во кој се наоѓале мајката и синот.

Во колоната на патот биле автомобил, камион и мотор, кои се движеле од правец на Шабац кон Ваљево. Автомобилот забавил за да се исклучи од главниот пат и во тој момент моторот го престигнал камионот и не го видел автомобилот „фиат“, а потоа удрил во левиот дел од автомобилот, кој излетал од патот во канал поради силината на ударот.

Од силината на ударот автомобилот во кој се наоѓале М.С. и нејзиниот тригодишен син бил преполовен, а делови биле разлетани по патот. Возачот на мотоциклот Н.З кој загина има 44 години. Моторот е целосно уништен.

На местото на трагедијата пристигнале службеници лица за да ги отстранат уништените автомобил и мотоцикл.