Захарова: Западот со случајот Скрипал сака да го одвлече вниманието од Сирија и Ирак
Портпаролката на руското Министерство за надворешни работи Марија Захарова направи поврзаност меѓу случајот Скрипал и сириското прашање.
- Западот се обидува да ги потцени луѓето и да го одвлече вниманието од своите дејствија во Сирија и Ирак, изјави Захарова.
Таа истакна дека за никого веќе не е тајна дека во Сирија се наоѓаат американски и британски специјалци, кои дејствуваат заедно со вооружената опозиција.
- На сите им е јасно дека целта на тоа присуство е поделба на интереси, додаде портпаролката на руското МНР.
Захарова изрази жалење дека Лондон не и доставил на Москва никакви податоци во врска со истрагата за труењето на поранешниот руски разузнавач Сергеј Скрипал и неговата ќерка Јулија на 4 март.
Таа потврди дека во Советскиот сојуз или во Русија никогаш не се произведувала хемиска супстанца под тајно име „Новичок“, додавајќи дека Велика Британија намерно го користи тоа име со цел да ја дискредитира Русија.
Захарова потенцира од кои земји би можела да дојде хемиската супстанца, која е употребена за нападот, а тоа се Велика Британија, Словачка, Чешка, Шведска и евентуално САД.
- Овие држави кон крајот на 90-те години од минатиот век вршат интензивни истраги на супстанци од проектот „Новичок“, изјави руската портпаролка.
Ново на Сител
-
Точно ќе се знае за кој проект, колку пари ќе бидат наменети, вели Мицкоски за средствата што ќе им бидат дадени на општините
-
Тошковски: Нова полициска станица во oпштина Бутел, подобри услови за полициските службеници за поквалитетни услуги за граѓаните
-
Замениците министри ќе бидат познати до крајот на неделава, на владина седница утре укинување на економските директори
-
АМСМ: Од денеска до 31 август забрана за движење на тешки товарни возила при екстремно високи температури
-
Таравари: Работиме на решение за компресоприте во хируршките сали
-
УХМР: Утре нестабилно време со пороен дожд, грмежи и град
-
Владата планира разузнавачките служби да функционираат во една агенција
-
Македонскиот амбасадор во Албанија на средба со министерот Муцунски по објавените податоци од пописот