Занаетчиска комора преку веб-сервис ќе ги следи промените во Трговскиот регистар
Занаетчиската комора преку веб-сервис секојдневно ќе ги добива промените на податоците што субјектите од интерес ќе ги прават во Трговскиот регистар.
Ова денеска го договорија Директорот на Централниот регистар Андреа Поповски и претставници од Занаетчиската комора на Република Македонија.
Како што соопшти Централниот регистар, дневната размена на податоци ќе се однесува на околу 27.000 субјекти запишани во Трговскиот регистар кои работат во дејностите опфатени со законот и кои на годишно ниво, согласно показателите од претходните години, вршат околу 10.000 промени.
Претставниците на Занаетчиската комора изразија задоволство од отвореноста на Централниот регистар за нивните сугестии и за решавање на тековните проблеми, при што ја истакнаа досегашната беспрекорна соработка како со централата, така и на локално ниво, со регионалните регистрациони канцеларии на Централниот регистар.
Двете страни се заложија да ја продолжат редовната комуникација во насока на исполнување на законските надлежности на двете институции и задоволување на потребите на занаетчиите како клучен фактор за економската активност во Република Македонија.
Ново на Сител
-
Еуроактив: Рекорден број партии во новиот парламент на Бугарија - Предизвици за формирање коалиција
-
ЦУК: Шест пожари на отворено, 1 758 повици на 112 во последното деноноќие
-
Приведена 58-годишна жена од неготинско за физички напад и закани кон снаата
-
Македонија трета година по ред нема да учествува на Евровизија
-
Загреб: Масовна тепачка помеѓу доставувачи
-
Тројца мажи сакале да ја запалат куќата на убиецот од Младеновац
-
ЈП Комунална хигиена-Скопје: Изминатиот викенд отстранети 115 кубни метри отпад во Скопје
-
Водата во Скопје безбедна за пиење