Засадени садници во дворот на Кабинетот на претседателот Иванов

Претседателот на Република Македонија Ѓорге Иванов во пресрет на 3 декември - Меѓународниот ден на лицата со хендикеп, денеска прими ученици од Државното училиште за рехабилитација на деца и младинци со оштетен вид „Димитар Влахов”, ученици од ООУ „Кузман Јосифовски Питу“, претставници од Здружението на лица со телесен инвалидитет „Мобилност“ од Скопје, како и деца од Дневниот центар за лица со ментална и телесна попреченост од Берово.

Претседателот Иванов и неговата сопруга Маја Иванова заедно со гостите засадија садници на македонски даб во дворот на Кабинетот на претседателот на Република Македонија, со што ја поддржаа традиционалната акција за пошумување „Ден на дрвото - засади ја својата иднина".