Засилени безбедносните мерки за првиот човек на албанското Специјално обвинителство, СПАК
Преземени се дополнителни мерки за безбедност за првиот човек на албанското Специјално обвинителство за организиран криминал и корупција, СПАК, Алтин Думани.
Од пред две-три недели првиот човек на СПАК, една од најважните институции на правдата, Алтин Думани, се вози со блиндиран автомобил. Исто така во близина на неговата куќа е зајакната полициска група, која го обезбедува. Областа каде што живее, во населбата „Комитети“ е надгледувана со дронови, јави Ора њуз.
Думани за прв човек на СПАК, со тригодишен мандат беше избран во средината на декември минатата година, кога најави дека обвинителство преминува на поагресивна борба против корупцијата на функционерите на сите нивоа.
-По три години од формирањето СПАК ќе премине во друга фаза а тоа е поагресивна борба против корупцијата на службениците на секое ниво, како и против организираниот криминал, најави тој по изборот.
Оваа најава тој и ја реализира со поведување истрага и поднесување пријави за повеќе судии, обвинители, поранешни градоначалници и други носители на високи функции а дел од нив се веќе во притвор.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени