Заврши првиот летен камп по веронаука
Триесетина деца учествуваа на првиот летен камп по веронаука, што се одржа во свештените комплекси Бигорски манастир и манастирот „Свети Георгиј Победоносец“ во дебарското село Рајчица.
- Повеќе од триесет деца имаа можност да се запознаат со основите на православната вера, на православното богослужение, на животот во манастир. Освен часовите по веронаука, децата учествуваа и во практичните манастирски задолженија. Оваа прва група се удостои и да присуствува на торжественото бдение и богослужба во чест на Слегувањето на Светиот Дух – Педесетница (Духовден), изјави отец Кирил.
Децата, како што информира, имале средба и со игуменот на Бигорскиот манастир, анхимандрит Партениј, на кого му ги искажале своите впечатоци од нивниот престој во манастирите.
- За Старецот, пак, и за сите нас, најголема награда ни беа насмевнатите детски лица и радоста што зрачеше од нив, изјави сестра Харитина.
Во впечатоците за учеството на кампот децата изразуваат благодарност за престојот во манастирите, грижата и вниманието кон нив и за наученото од проповедите.
На иницијатива и со благослов на архимандрит Партениј, ова лето ќе се организираат девет летни кампови.
Ново на Сител
-
Уапсен Ејуп Рустеми
-
Се шири истрагата за пожарот во „Пулс“
-
Владата ја запира постапката за разрешување на државниот обвинител
-
И угостителски и државни објекти за време на мораториумот ќе треба да отстранат неправилности
-
479 градежни фирми остануваат без лиценцата од министерство за транспорт
-
Мицкоски им врати на ДУИ - наместо сочувство ја политизираат трагедијата
-
Собранието ги откажа сите активности и оваа недела
-
Европски земји понудиле помош за подолготрајна рехабилитација на потешко повредените