Здравствен дом Куманово ќе добие донација санитетско возило
Санитетско возило за кумановската Итна помош ќе донира Амбасадата на Словачка во Македонија, соопштија на денешната прес-конференција директорот на Здравствен дом - Куманово Миомир Панковски и амбасадорот на Словачка Мартин Безак.
- Донацијата е комбе која ќе се користи за потребите на екипите на Итна помош. Многу сме благордани за донацијата, бидејќи и покрај тоа што имаме возила, секогаш е добро да имаме дополнително кое како и претходните кои што ги добивме од владата ќе биде одлично опремено, изјави Панковски.
Амбасадорот на Словачка Безак, истакна дека донацијата е дел од проектот кој амбасадата започнала да го реализира пред две години кога била извршена донација за Здравствениот дом во Скопје и минатата година за Здравствениот дом во Битола.
- Логично, на ред е Здравствениот дом Куманово. Верувам, дека возилото ќе биде корисно бидејќи е прво возило од оваа марка во возниот парк во Здравствениот дом- Куманово, изјави амбасадорот Безак.
Нагласи дека процедурата е на почеток и дека возилото ќе биде предадено за употреба кон крајот на јули, почетокот на август, годинава.Тој најави дека наредната година ваков тип на возило ќе биде донирано за потребите на здравствениот дом во Гостивар.
Директорот на Здравствениот дом Панковски, појасни дека Итна помош Куманово е соодветно екипирана и располага со доволен број на возила, вкупно 14 од кои три се донација од владата. Екипите на Итна помош даваат нега на приближно 150.000 жители од општините Куманово, Липково и Старо Нагоричане.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ