Зеленски се надева дека војната во Украина ќе заврши до Велигден следната година
Украинскиот претседател Володимир Зеленски изрази надеж дека ќе има мир во Украина до Велигден следната година, обраќајќи им се на Украинците откако многумина во земјата го прославија Велигден по вторпат од почетокот на руската инвазија.
– Идната година Цветници нека помине во мир и слобода за целиот наш народ, рече украинскиот претседател во својата дневна видео порака.
Како и другите членови на украинското раководство, Зеленски им посака среќен Велигден на Украинците кои, како христијаните на Запад, го славеа воскресението на Исус.
Во Украина, се повеќе христијани сега ги слават празниците според грегоријанскиот календар, а не според стариот јулијански календар на Руската православна црква.
Традиционално, православните христијани во Украина ги славеа црковните празници на ист начин како и во соседна Русија. По целосната руска инвазија на Украина пред повеќе од една година, јавната дискусија за промена на црковниот календар стана посилна со цел уште повеќе да се разликуваат од Русија.
– Секој светол христијански празник не учи дека можеби не знаеме како, но мора да бидеме сигурни дека злото ќе изгуби, рече Зеленски.
Ново на Сител
-
Пратениците го одобрија унгарскиот заем од половина милијарда евра
-
Наим Рамука сменет од началничкото место поради пропуштањето на возилата на Гаши на „Блаце“
-
„Балансерот" за вработување пред Уставен суд
-
Бугарското МНР во одбрана на амбасадорот Радуков
-
Откажана утрешната средба на историската комисија со Бугарија
-
Различни мислења за есенската кошница: Замрзнување на цените или зголемување на производството?
-
Митева: Наместо пренос на електрична енергија, МЕПСО спонзорирал спортски клубови
-
Студентите реагираат на зголемените трошоци, тече вториот уписен рок на државните универзитети