Зголемен број на сообраќајни прекршоци во тетовско во текот на 2018 година
Вкупно 19.137 сообраќајни прекршоци биле откриени од полицијата во текот на минатата година во тетовско, информираа од СВР Тетово. Според полициските податоци оваа бројка е за околу 3000 повеќе во однос на 2017-та година.
Оттаму посочија дека поради констатирани различни видови прекршоци од сообраќај биле исклучени 1.353 возила и 2.630 возачи. Најголем број од исклучените возила или 968 имале истечена регистрација над 30 дена како и техничка неисправност во 238 наврати. Кај исклучените возачи 1.367 управувале без положен испит и валидна дозвола, а 952 возачи-почетници не се придржувале на законски предвидените ограничувања.
Овие откриени сообраќајни прекршоци лани биле заокружени со скоро 10 илјади мандатни и околу шест илјади прекршочни плaтни налози. Покрај тоа времено биле одземени 802 возачки и 566 сообраќајни дозволи како и 84 возила и 170 регистерски таблици.
Истовремено, од страна на стручни екипи на СВР Тетово во текот на минатата година биле спроведени 12 сообраќајни поуки со превентивно-предупредувачки карактер за подигнување на нивото на сообраќајната свест и култура и кај пешаците и кај возачите – прекршители.
Ново на Сител
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228
-
Папата им го честиташе Велигден на православните христијани
-
Скопјанец измамен во менувачница од двајца странски државјани
-
Апсења на аеродромот во Скопје и на границата „Деве Баир“