Жена пронашла експлозивна направа во нејзиниот стан во Кисела Вода

Жена во нејзиниот стан во Кисела Вода пронашла експлозивна направа која најверојатно припаѓала на нејзиниот починат дедо.

- На 02.09.2023 во 14.00 часот во СВР Скопје, Т.П. пријавила дека во подрумска просторија во нејзиниот дом на подрачје на Кисела Вода пронашла експлозивна направа, која најверојатно припаѓала на нејзиниот починат дедо. Полициски службеници излегле на местото и било констатирано дека станува збор за направа налик на рачна бомба со запалка солзавец, информира МВР.

Како што соопштија од МВР, направата била подигната за понатамошна постапка и се преземаат мерки за расчистување на случајот.