Жерновски ги посети поплавените куќи во населбата Мало Курило на Водно
Градоначалникот на општина Центар, Андреј Жерновски заедно со претставници од општината денеска ја посетија населбата Мало Курило на Водно каде имаше неколку поплавени куќи од саботното невреме.
Жителите, како што информира прес-службата на општината, изразиле задоволство од брзата реакција на надлежните кои интервенирале за санирање на штетите и испумпување на водата, како и за неодамнешното чистење на каналот.
Според жителите од оваа населба, доколку каналот не бил исчистен, постоела опасност да биде поплавена не само оваа населба, туку и населбите Капиштец и Козле.
При чистењето на каналот реализирано пред неколку месеци беа извадени над 30 тони ѓубре и шут.
Во текот на оваа недела се врши и проценка на штетите во домовите на граѓаните на Центар, а се санираат и штетите во ОУ „Кочо Рацин“, но, како што велат од општината, најголем дел од механизацијата и службите во моментот работат во најпогодените подрачја од поплавите и го поддржуваат Централниот кризен штаб за санирање на штетите.
- Сметам дека општината треба да се грижи за сите граѓани подеднакво. Предолго време овие далечни делови од Центар беа запоставени од општинските власти, но тоа го променивме. Се планираат нови проекти во оваа населба и целосно реконструирање на главната улица „Загрепска“, изјави градоначалникот Жерновски.
Ново на Сител
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп
-
По теркот на останатите туристички центри потребно е да се работи на инклузивен туризам