Македонија
28. July 2016 - 12:04

Звукот на тапани го заменија лелеци од болка: Детали за прегазеното детенце во Велес

Трагедија ја зави Македонија во црно кога згасна живот на мало детенце. Таксист завчера прегази едно годишно детенце кое одело на свадба со родителите во мотелот "На велешко". Детето излетало пред таксито, а таксистот во момент на невнимание го прегазил и за жал усмртил истото.

Како што денеска пишува Телеграф.мк, наместо тапани и весела атмосфера кои требало да владеат на свадбата, тишина завладеала со местото каде се случи трагедијата. Таксистот со автомобил фиат пунто во 19 часот и 10 минути го прегази детенцето кое почина на лице место. 

- „Малото со родителите излезе од таксито. Ненадејно се најде пред возилото кое го удри во глава, детето падна пред браникот. Неговите родители се блиски роднини со младоженецот. По ова, свадбената свеченост, која и не започна, се откажа. Беше многу мачна атмосфера“, вели очевидец на настанот за Телеграф.мк.

Инаку, возачот кој го прегази детето е 42-годишниот Ј.П. од Велес.

извор: Телеграф.мк