Ахмадинеџад се кандидираше за претседателските избори во Иран
Поранешниот ирански претседател Махмуд Ахмадинеџад денеска ја пријави кандидатурата за претседателските избори во Иран што ќе се одржат на 19 мај.
Овој потег на поранешниот ирански претседател се смета за непочитување на авторитетот на лидерот, ајатолахот Али Хамнеј, кој му нареди да не се кандидира.
Пријавувањето на кандидатите за претстојните претседателски избори почна во понеделникот и ќе трае пет денови, а условот за пријавување е да се биде ирански државјанин.
На првиот ден од регистрацијата се пријавиле повеќе од 100 кандидати за претседател на Иран.
Откако ќе заврши пријавувањето, кандидатурите ќе бидат разгледани од страна на Советот на чувари, свештеничкото тело што ќе ги изанализира политичите и исламските квалификации на кандидатите и до 27 април ќе ја објави конечната листа на кандидати.
Советот, имено, не одобрува дисиденти и жени на формалната листа на кандидати.
Кандидатурата ја најавија и Ебрахим Раиси, свештеник кој е близок со ајатолахот Али Хамнеј, и Хамид Багхеј, близок соработник на Ахмадинеџад.
Ново на Сител
-
Обвинет за убиствата на Вања и Панче е во болница, неизвесно е дали ќе има судење
-
Стримичани вода за пиење ќе добиваат преку цистерни и канистери
-
Тема на денот со Орце Ѓорѓиевски, претседател на ЗЕЛС
-
ОКТА со современа лабораторија ќе го испитува квалитетот на дизелот
-
Отворен регионален центар К9 за дресирање кучиња во Ѓорче Петров
-
Поднесено обвинение против две лица за дивоградба во Охрид
-
Преглед на вестите од светот
-
Се стопираат огласите со „Балансерот“ критериумите - Министерство за администрација издаде насоки до институциите