Азири од случајот „Монструм“ тврди дека исказот го дал под притисок на полицијата - се изјасни за невин
Со исказ на обвинетиот Хаки Азири денеска во Кривичниот суд во Скопје продолжи судењето за случајот „Монструм“ на Специјалното јавно обвинителство, за петкратното убиство кај Смилковско езеро на 12 април 2012 година.
Азири денеска пред судот тврдеше дека делото го признал под притисок на полицијата и дека не се чувствува виновен. За денот на петкратното убиство денес пред судот Азири раскажа дека бил слободен граѓанин, дека иако работел како возач, тој ден му бил слободен па го искористил за работа во бавча.
- Бев приведен на 1 мај и бев малтретиран. Јас до тој момент не знаев зошто ме приведоа. Ме тепаа и кажуваа дека сум го извршил убиството. Ме држеа се додека не научам што да кажам, кога ќе ме изнесат пред суд. На кого и да му го направеа тоа што мене ми го сторија, ќе признаеше не само убиство, туку што било, рече Азири во својот исказ.
Тој пред судот потврди дека ги познава сите обвинети но негираше дека ги превезувал по извршениот масакар иако тоа претходно го признал пред јавен обвинител. СЈО побара на следното рочиште да биде емитувана и снимка од неговиот поранешен исказ.
На претходното рочиште повеќе од пет часа исказ даваа обвинетите Агим Исмаиловиќ и Фејзи Азири кои исто такла тврдеа дека не се виновни.
Во претходно водениот судски процес судот ги осуди обвинетите за монструм на доживотен затвор но Врховниот суд ја укина пресудата и ги ослободи обвинетите од притвор по што процесот го презема Специјалното обвинителство. За судот се уште недостапни се Алил Демири и Африм Исмаиловиќ по кои се распишани меѓународни потерници.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова