Бајден: Украина не е подготвена за членство во НАТО
Претседателот на САД, Џо Бајден синоќа за Си-ен-ен изјави дека Украина не е подготвена за членство во НАТО.
Мислам дека (Украина) не е подготвена за членство во НАТО. Не мислам дека има консензус во НАТО за тоа дали Украина треба или не да биде внесена во семејството на НАТО сега, во овој момент, среде војна, истакна Бајден.
Ниту генералниот секретар на Северноатлантската алијанса, Јенс Столтенберг и другите членки на Алијансата не дадоа целосна поддршка за членството на Украина.
Столтенберг најави дека лидерите на Алијансата следната недела треба да се договорат за пакетот поддршка за Украина. Тој додаде дека повеќегодишна програма за поддршка вклучува посилни политички врски со Киев и реафирмирање на ветувањето на НАТО за членство на Украина во нејзините редови.
– На самитот лидерите ќе ги поддржат и плановите за одговор на можен напад од Русија или некоја терористичка група и за зголемување на производството на оружје, истакна вчера Столтенберг.
Претседателот на Украина, Володимир Зеленски долго време се залага НАТО да дозволи членство на Киев, тврдејќи дека украинските сили во нивната борба да ја одбијат руската инвазија прават повеќе од која било членка на Алијансата кога станува збор за одбрана на вредностите.
Зеленски ќе присуствува на Самитот на НАТО, што ќе се одржи на 11 и 12 јули во Вилнус.
Ново на Сител
-
Трамп го предупреди Зеленски: Ќе ја пропуштите шансата за мир ако не дејствувате
-
Рубио и Мерц разговараа за глобалните предизвици, војната во Украина и зајакнување на партнерството меѓу САД и Европа
-
Мицкоски: Заедничката изјава со Белата куќа за Договорот за трговија со САД е историски успех за македонските граѓани и Македонија како држава
-
Посебен режим на сообраќај утре во Скопје поради Задушница
-
Германски авиони ќе учествуваат во мисијата на НАТО „Арктичка стража“
-
Кос: ЕУ би можела да одбие Србија да има пристап до средства од пакетот од 1,6 милијарди евра
-
Апел за донации: Потребна е итна помош за лекувањето на осумгодишната Ана
-
Одбраната ја оспорува темелноста на вештачењето за „Онкологија“, судењето продолжува на 4 март
