Бреговиќ: Татко ми е католик, мајка ми Србинка, а жената муслиманка. На кого требаше да пукам?

За балканската рок-ѕвезда Горан Бреговиќ, неговото родно Сараево е повеќе од град. Главнио град а БиХ е метафора за мултикултурниот начин на живот кој се распаѓа кога ќе почне верски судир, изјави во интервју за француската новинска агенција АФП Бреговиќ.

– Се она што денес го гледаме во Европа, прво го видовме во Сараво. Соседот кој беше добар пријател, следниот ден пука на вас бидејќи сте од друга вера – изјави Бреговиќ.

Кога Југославија се распадна, Бреговиќ одби да заземе страна.

– Татко ми беше хрватски католик, мајка ми православна Србинка, а сопругата ми е муслиманка. На кого требаше да пукам? На семејството на мојата сопруга? На татко ми? Или на мајка ми? Никого не мразев. Само бев тажен – изјави Бреговиќ.

Мултикулутрно Сараево веќе не постои. Србите отидоа на источната страна на градот, Хрватите не се вратија, а босански Евреи има само стотина, раскажува Бреговиќ.