Црвен крст Кочани: Со чистење на влезови на згради, до помош на загрозени семејства
Општинската организација на Црвениот крст во Кочани и годинава е вклучена во имплеметирање на програмата „Црвен крст во акција – Промоција на хумани вредности“.
Избрани младинци од четирите основни и двете средни училишта на територијата на општина Кочани поминуваат три обуки на кои добиваат десеминациска сесија за Црвениот крст, како и насоки за изработување на мали проекти и нивно документирање. Потоа се вклучуваат во следната фаза, а тоа е истражување во самите заедници каде што пронаоѓаат целни семејства кои што се социјално ранливи и ги истражуваат нивните потреби и помагаат за нивно остварување.
Во моментов на терен работат седум такви групи кои си имаат свои целни семејства. Мометално се насочени на собирање финансиски средства, па затоа спроведуваат една интересна и несекојдневна активност.
- Една таква активност е чистење на холовите и влезовите во зградите при што граѓаните донираат финансиски средства на младинците и сите тие финансиски средства ќе бидат наменети за помош на целно семејство, односно ќе се реновира нивниот кров. Станарите се позитивно изненадени од активноста на младиците затоа што неочекувано е младинци од 14 и 15 години да чистат влезови на згради, така што станарите ги поддржуваат и донираат, истакна Анета Коцева, секретар на ОО Црвен Крст Кочани.
Во план се спроведување и на други вакви креативни активности од страна на младинците на Црвен крст со што промовираат младински активизам и претставуваат позитивен пример за другите младинци за хуманост, солидарност, емпатија и човечност во заедницата.
Ново на Сител
-
ЦУК: Можно зголемување на водостојот на реките во западниот дел на земјава
-
Шпанското обвинителство бара 4 години и 9 месеци затвор за Карло Анчелоти за финансиска измама
-
Вештачење: Струјата вo модуларната болница ја инсталирале нестручни лица од болницата
-
Вештачење: Струјата во модуларната болница ја инсталирале нестручни лица од болницата
-
Без струја утре дел од Трубарево
-
Службени лица без налог насилно влегле во дом и го нападнале сопственикот пред неговиот син
-
Нови 511 заболени од грип, пад од 39,1 отсто споредено со претходната недела
-
Филипче пред средбата со Мицкоски: Очекувам конструктивен разговор, состанокот нема етничка димензија