Црвениот крст помогна во ослободувањето на 125 воени затвореници во Судан
Меѓународниот комитет на Црвениот крст (МКЦК) помогна во ослободувањето на 125 војници на суданската армија кои беа приведени од паравоените сили за брза поддршка, соопшти организацијата, јави ДПА.
Според МКЦК, вкупно 125 војници приведени од нивните противници од паравоените сили за брза поддршка успеале да се вратат кај своите семејства пред исламскиот празник Курбан Бајрам.
„Меѓу нив има 44 ранети“, соопшти организацијата. Групата беше однесена од Картум во Вад Мадани, јужно од главниот град.
Слично на тоа, 14 ранети беа ослободени во понеделникот со помош на МКЦК во западната држава Дарфур.
„Преку нашиот дијалог со сите страни во конфликтот, нашата улога е да гарантираме усогласеност со хуманитарните принципи и хуман третман на затворениците за време на процесот на ослободување и трансфер“, објави МКЦК на Твитер.
Организацијата се придржува до строга неутралност во вооружените конфликти со цел да се грижи за жртвите, потсетува ДПА.
Ново на Сител
-
И Грците не планираат, но не исклучуваат средба Мицотакис - Мицкоски на НАТО самитот во Вашингтон
-
Струмичанецот каснат од пајак “Црна вдовица” закрепнува на Токсикологија
-
Кумановец едвај се спаси, со часови тонел во жива кал крај Пчиња
-
За некористените и скапи акцелератори, Таравари ќе побара помош и од обвинителство
-
Преглед на вестите од светот
-
Мотоциклист загина при судар со автобус на патот Охрид-Ресен
-
Меџити: Гаши и Мицкоски со различна агенда се во Вашингтон
-
Богатото македонско културно наследство честа мета на крадците