ЦУК: Седум активни пожари во моментов, шест под контрола
До 13 часот денеска, евидентирани се вкупно 16 пожари на отворен простор. Од нив, седум се активни, шест се под контрола, три изгаснати, соопшти директорот на Центарот за управување со кризи (ЦУК), Стојанче Ангелов.
Како што информираше Ангелов, активни се пожарите во општините Македонски Брод - еден кај селата Тажево и Брезница - крак кон „Јасен“, втор кај селото Слатина, Охрид - на територија на Галичица, Чашка - кај селата Папрадиште и Ореше, Петровец - кај село Градманци. Потоа, пожарот на територија на општините Демир Хисар и Охрид - Илинска Планина, кај селата Витово, Базерник, Мало Илино и Брежани. Активен е и пожарот во регионот на општините Богданци и Дојран, кај селото Фурка.
Под контрола се шест пожари во општините Делчево, Охрид, Пласница, Пробиштип, Студеничани и Зелениково.
Изгаснати се три пожари. Еден на територија на општина Валандово - кај селото Пирава, два во гостиварскиот регион - кај населбата Питарница и село Градец.
Ново на Сител
-
Како да се „спасат'' Преспанското и Охридското Езеро?
-
Тема на денот со претседателката Гордана Сиљановска Давкова
-
Бугарскиот амбасадор одби да ја прими протестната нота од МНР, за Сител вели не бил прекршен ниту еден протокол
-
Протестна нота за бугарскиот амбасадор, за МНР потегот е несоодветен и неевропски
-
Радуков со позициите на Радев во МНР, одбил да ја прими протестната нота
-
Комитетот почна со истрага во М-НАВ, за неколку дена се очекува првичниот извештај
-
Уставен суд пред конечна одлука, дали да застарува извршувањето на долговите
-
Есенската кошница ќе се носи следната недела